Арсенал го победи Ливерпул на пенали во Карабао купот

Тренерот на Арсенал, Микел Артета верува дека неговиот тим направил „чекор нанапред“ при победата против Ливерпул во Карабао Купот и со тоа достигна четврт-финале. После досадните 90 минути без погодоци, целиот притисок падна врз голманите при изведување на пеналите. Бернд Лено успеа да одбрани 2 пенали, а Џо Вилок го постигна победосниот гол од белата точка.

Арсенал загуби со 3-1 во Премиер Лигата против Ливерпул минатиот викенд и Артета беше задоволен како неговиот тим изреагира на натпреварот во купот. „Имаме уште многу да научиме, но мислам дека сме на вистинскиот пат“ изјави тренерот на Топџиите.