Надал премоќен за МекДоналд во втората рунда на Ролан Гарос

Дванаесеткратниот шампион, Рафаел Надал, со пола труд го победи американецот Мекензи МекДоналд во втората рунда на Ролан Гарос. Шпанецот, 34, загуби само 4 гејмови и победи со резултат 6-1 6-0 6-3. Надал има загубено само 2 натпревари од Ролан Гарос уште од 2005 година и се обидува да го подигне трофејот од овој турнир 4та година по ред.

„Целта ми беше да играм што е можно подобро. Многу сум среќен, но натпреварот не беше толку лесен како што изгледа. Чест ми е да играм во Париз секогаш“ изјави Рафа. Надал ќе се сретне со подобриот од дуелот помеѓу Кеи Нишикори и Стефано Травалија во следната рунда.