Надал стигна до полуфиналето на Ролан Гарос

Рафаел Надал се обидува да го изедначи рекордот на Федерер за освоени 20 Гренд Слем титули на овогодинешниот Ролан Гарос. Тој успеа да го победи Синер и се пласираше во полуфиналето. Синер добро се држеше во првиот сет, но во следните сетови неговата игра се распадна.

Надал успеа да победи со резултат 7-6(7-4) 6-4 6-1. Во следната рунда ќе се сретне со Диего Шварцман. Шпанецот никогаш не изгубил во полуфиналето и финалето на Ролан Гарос во својата кариера. „Временските услови се поинакви и тешки. Во ладното време, мојата брзина се намалува. Сега имам 2 дена, или ден ипол, за да одморам и да се спремам за натпреварот со Шварцман“ изјави легендарниот Рафа.