„На Гризман му фали ритам, сите знаеме зошто!“

Местото на Антоан Гризман во националниот тим нема да биде загарантирано со поранешните добри игри, јасен е селекторот на Франција, Дидие Дешамп.

Селекторот на француската репрезентација, Дидие Дешамп изјави дека не може да му гарантира место во тимот на Гризман само врз основа на неговата статистика и претходните добри настапи за националниот тим.

Откако дојде во Барселона, Гризман се обидува да ја најде најдобрата можна форма, како во клубот, така и во националниот тим.

Тој беше најдобриот играч на Европското првенство во 2016 година, ја освои титулата светски шампион во 2018 година, но се чини дека изгуби дел од претходниот сјај во последнава година. Иако верува дека може да се врати во форма, Дешамп не е подготвен да му гарантира место на Гризман во тимот.