Судска постапка против Нетфликс: Родители против сексуализаија на децата

Поднесена е тужба против медиумската мрежа Нетфликс поради контроверзниот француски филм “Cuties„ во кој, според тужбата, децата се прикажуваат во непристоен контекст. Претходно беше објавена петиција која ги повикува луѓето да го бојкотираат Нетфликс во врска со филмот. Судот во регионот Тајлер, Тексас покрена обвинение против компанијата за промовирање на непристоен визуелен материјал на кој се гледаат деца.

Главниот лик на овој игран филм, кој доби награда на филмскиот фестивал „Санденс„ е единаесетгодишно девојќе Ејми со сенегалско потекло и исламска религија. Заплетот на филмот се врти околу детска танцова група што Ејми ја открива и се придружува, што предизвикува осуда и забрана од страна на нејзиното традиционално семејство.

Сепак, како одговор на обвинението, Нетфликс застана во одбрана на филмот.

„Филмот “Cuties” е социјален коментар против сексуализацијата на малите деца. Ова обвинување е неосновано и ние стоиме покрај филмот. Ова е наградуван филм и моќна приказна за притисокот со кој се соочуваат младите девојки на социјалните мрежи„ изјави портпаролот на Нетфликс.