ЛеБрон им ја донесе на Лејкерси првата титула во 10 години

Лос Анџелес Лејкерс го завршија десетгодишниот пост за нивна нова титула со победата над Мајами Хит со резултат 106-93. Тие ја завршија серијата со резултат 4-2. ЛеБрон Џејмс ја освои и наградата МВП на финалето и постигна 28 поени 14 скока и 10 асистенции. Ентони Дејвис и Ражон Рондо додадоа по 19 поени.

Со оваа титула Лејкерси се изедначуваат со Бостон Селтикс во бројот на освоени титули на сите времиња во НБА лигата. И двете екипи имаат по 17 титули. „Многу ми значи што ја претставувам оваа франшиза. Му реков на претседателот на Лејкерс кога дојдов овде дека ќе ја вратам франшизата таму кадешто припаѓа“ изјави ЛеБрон Џејмс по победата.