Лидс Јунајтед тргнува по Кантвел

Менаџерот на Лидс Јунајтед, Марсело Биелса тргнува по играчот на врска на Норич и репрезентативецот на Англија У21 Тод Кантвел, според изворите. Биелса го сака во своите редови и средишниот играч на Дерби Каунти Луи Сибли.

Тод Кантвел играше во Премиер Лигата минатата сезона за Норич и беше една од ретките светли точки на „Канаринците“. Норич заврши последен на табелата и отпадна во Чемпионшипот. Кантвел имаше учинок од 6 погодоци и 2 асистенции во 37 натпревари во Премиер Лигата.