Мурињо: Освоив се што можев со Јунајтед!

Во петтото коло од Премиер лигата, Мурињо се враќа на „Олд Трафорд“ со Тотенхем, каде не ги донесе трофеите што сите ги посакуваа. Сепак, португалскиот менаџер вели дека победил колку што можел со Јунајтед.

За две и пол години на „Олд Трафорд“, Мурињо можеше да се радува на освојувањето на Лигата на Европа и Лига купот, а Јунајтед двапати беше втор на табелата во премиер лигата.

“Тоа е она што го очекував, немам никакви проблеми во клубот. Навивачите знаат дека направив се што можев. Освоив тоа што можеше да се освои. Стекнав многу пријатели, секогаш се чувствував одлично. Морам сето тоа да го заборавам престојните 90 минути и да победам, тоа е фудбалот!„

Мечот помеѓу Манчестер Јунајтед и Тотенхем е во недела со почеток од 17:30 часот.