Почина Eddie Van Halen на 65 годишна возраст

Легендарниот гитариста и еден од основачите на рок групата Van Halen почина по долгогодишната и тешка битка со канцерот. Извори блиски до рок ѕвездата објавија дека тој починал минатата вечер во болницата St. John во Santa Monica.

Неговиот канцер во белите дробови почнал да го зафаќа мозокот и другите органи и беше фатален за Еди. Тој се соочуваше со оваа болест преку 10 години. Но и покрај болеста тој продолжи да прави концерти и во 2006 во неговиот бенд се приклучи и неговиот син Волфганг. Тој беше примен во куќата на славните на Рок ен Рол музиката во 2007 и се смета како еден од најдобрите гитаристи на сите времиња.