Роси ќе ги пропушти следните две MotoGP трки поради короната

Валентино Роси изјави дека се тестирал позитивен на коронавирусот и се очекува да ги пропушти следните две трки во сезоната на MotoGP. 41-годишниот Италијанец кој е 9кратен светски шампион моментално е 13ти на табелата на MotoGP. Следните трки ќе се одржат во Арагон, Шпанија на 18ти Октомври и една недела покасно на истата патека.

„За жал, ова сабајле се разбудив и не се чувствував добро. Ме болеа коските и чувствував треска и веднаш го контактирав мојот доктор кој веднаш ми направи 2 теста. Првиот беше негативен, а вториот позитивен. Разочаран сум што ќе ги пропуштам трките во Арагон“ изјави легендарниот Роси.