Ројс: Санчо останува во Дортмунд уште една година

Капитенот на Борусија Дортмунд, Марко Ројс, изјави за Скај Германија дека неговиот соиграч Џејдон Санчо останува во клубот уште една година. Манчестер Јунајтед сеуште не се откажа од потписот на 20 годишниот англиски репрезентативец иако договорите со Бундеслигашот не идат во најдобра насока.

Но трансферот на Санчо во Премиер Лигата засега изгледа малку веројатен. „Сите сме среќни дека тој ќе биде со нас уште една година бидејќи тој е играч што дава голови и прави асистенции. Тој ни помага во добивањето на поените за шампионатот“ изјави капитенот на жолто-црните.