Хамилтон го изедначи рекордот на Шумахер

Луис Хамилтон успеа да го изедначи рекордот на Мајкл Шумахер после денешната победа на Нурбургринг со својот Мерцедес. Така Британецот стигна до својата рекордна 91ва победа во кариерата. Веќе е извесно дека Хамилтон ќе го сруши рекордот на легендарниот возач на Ферари.

Со оваа победа Луис успеа да ја зголеми својата предност во овогодинешниот шампионат над својот тимски колега со разлика од 69 поени. Валтери Ботас не успеа да ја заврши трката поради настанатите проблеми со неговиот болид.