Ana
Истражувачите од Универзитетот „Edith Cowan University” (ECU) во Западна Австралија откриле дека само две порции овошје на ден ги намалуваат шансите за развој на дијабетес тип 2 за дури 36 проценти.
„Во оваа студија, ние докажавме врска помеѓу внесувањето овошје и подобрувањето на инсулин“, изјави авторот на студијата, д-р Никола Бондоно, што значи дека испитаниците кои конзумирале повеќе овошје морале да надоместат помалку инсулин за да ги намалат нивоата на гликоза во крвта. Ова откритие, додава д-р Бондоно, е особено важно затоа што високото ниво на циркулирачки инсулин (хиперинсулинемија) може да ги оштети крвните садови и, покрај дијабетесот, се поврзани и со висок крвен притисок, дебелина и многу срцеви заболувања.
„Многу луѓе погрешно веруваат дека луѓето со дијабетес треба да избегнуваат овошје, но оваа студија го докажа спротивното“, вели д-р Бондоно, додавајќи дека овошјето е одлично за намалување на ризикот од дијабетес, бидејќи содржи многу растителни влакна и природен шеќер.
Сепак, предупредува таа, луѓето кои страдаат од дијабетес треба да обрнат внимание на внесувањето на суво овошје и разни овошни сокови, бидејќи тие се многу поконцентрирани извори на шеќер од самото овошје.
„Овошниот сок е често само концентриран шеќер без влакна и во организмот често реагира исто како и газираните пијалоци полни со шеќер“, објасни диетичарот од Медицинскиот центар UCLA , д-р Дина, Елиз Хунес, за Healthline.
Иако, вели таа, тие се малку поздрави од газираните пијалоци, овошните сокови се со хранлива вредност поблиску до нив од овошјето, кое содржи многу микроелементи.
„Дијабетес тип 2 може да се спречи или одложи со промена на начинот на живот“, потсети д-р Елисе, која препорачува губење на тежината и значително зголемување на физичката активност за сите со оваа состојба.
