НА МЕТА НА ОСУДИ! Пејачката Адел обвинета за расизам!

Во смешната емисија Saturday Night Live, популарната пејачка Адел се појави во скица во која разведени жени од средна возраст пропагираат патување во Африка со цел да остварат интимни познанства со тамошните племиња. Емитувањето на оваа скица, сепак, предизвика лавина осуди.

Во оваа скица Адел игра еден од членовите на „Африканската туристичка асоцијација“, кој им предлага на разведените жени да патуваат на Црниот континент за да уживаат во природните убавини таму. Но, скоро секоја „убавина“ од оние што ги цитираат има прилично двосмислено значење, односно јасно укажува на една работа, а тоа е секс со африкански мажи.

Поради оваа содржина, Адел во моментов беше осудена од оние чии чувства беа повредени од ваквиот хумор. На јавноста не им се допадна спомнувањето на „масивниот бамбус“ и „длабоката, длабока врска“ што „се чувствува во стомакот“.