Новиот играч на Јунајтед, Алекс Телес позитивен на ковид-19

Бразилскиот лев бек на Манчестер Јунајтед, Алекс Телес се тестираше позитивен на коронавирусот. Телес, кој се придружи на Манчестер Јунајтед од Порто пред крајот на трансфер периодот, не беше вклучен во ростерот на Јунајтед во победата против Лајпцинг во рамките на Лигата на Шампионите со резултат 5-0.

Тимот од Олд Трафорд му посака брзо оздравување и враќање во групата што е можно побрзо преку социјалните мрежи. 27 годишниот дефанзивец сега ќе се самоизолира во период од 10 денови во својот дом. Телес беше донесен во Англија во трансфер вреден 15 милиони евра.