Властите на Соединетите Американски Држави изјавија дека ќе донираат 60 милиони дози од вакцината на АстраЗенека на другите држави во наредните неколку месеци.
Вакцината на АстраЗенека веќе се користи насекаде околу светот, но сеуште не е одобрена од страна на американската Администрација за храна и лекови. Штом оваа администрација ја одобри вакцината, веднаш ќе се започне процедурата за донирање на 60 милиони дози од истата.
„Бидејќи голем број на различни вакцини се веќе одобрени и се примаат во САД, а АстраЗенека сеуште не е одобрена, државата нема да има потреба од нејзе во следниот период. Поради тоа тие ќе бидат донирани на државите на кои им е потребна вакцината“ соопштија од Белата куќа.