Американски војници по грешка извршиле рација во бугарска фабрика за сончогледово масло! [ВИДЕО]

Сопственикот на мала фабрика за сончогледово масло во Бугарија обвини американски војници за рација во неговиот објект за време на воената вежба на НАТО минатиот месец.

Марин Димитров пред новинарите изјави дека поднел тужба против одговорните за инцидентот на 11 мај.

„Брз одговор 2021“ е мултинационална вежба предводена од американската армија, која се одржа во Естонија, Бугарија и Романија и во која учествуваа повеќе од 7.000 падобранци од 10 земји на НАТО.

За време на вежбата, припадниците на 173-та воздушна бригада, со седиште во Италија, симулираа зафаќање и безбедност на напуштената воздушна база Чешнегирово на југот на Бугарија, со расчистување на бункери и други структури, се вели во соопштението на американската армија.

Американските трупи влегоа и расчистија зграда во близина на аеродромот на 11 мај, за која мислеа дека е дел од област за обука, но се покажа дека се окупирани од бугарски цивили, кои водат приватен бизнис, се вели во соопштението.

„Никогаш не било користено оружје за време на операцијата“, се вели во соопштението на војската.

Бугарскиот претседател Румен Радев рече дека „апсолутно е неприфатливо воените единици, без разлика дали се дел од бугарските или странските вооружени сили, да го загрозат животот и мирот на бугарските граѓани“.

„Вежбите на бугарска територија кои вклучуваат наши сојузници треба да го зајакнат чувството на безбедност и доверба во колективната одбрана, наместо да предизвикаат тензии меѓу Бугарите“, рече Радев.