Ana
Кога розев сјај го осветли вечерното небо над еден австралиски град во средата, локалната жителка Тами Сзумовски се прашала дали апокалипсата пристигнала.
– Бев кул, мирна мајка, која им вели на децата: „Нема што да се грижите“, изјави Тами за Би-Би-Си и додаде:
– Но во мојата глава се прашував што по ѓаволите е ова?
Сепак ,се испоставило дека виновник за розовото небо е една фарма со канабис.Розовата светлина излегувала од од фарма со канабис која се наоѓала во близина на градот Милдура, во северна Викторија.
Но, како и другите запрепастени и исплашени локални жители, Тами мислела дека се работи за инвазија на вонземјани. Или астероид.
– Мама е на телефон, а тато во позадина вели: „Подобро побрзам да јадам бидејќи доаѓа апокалипса. И мама вели: „Која е поентата да се јаде ако е крај на светот? – изјави жителот на Милдура.
Производителот на марихуана што се користи за медицински цели, „Кан груп“, потврди дека за „инцидентот“ се виновни светилките од фармата за канабис.
Инаку, медицинскиот канабис е легализиран во Австралија во 2016 година, но рекреативната употреба на оваа дрога е забранета. Оттогаш, австралиските регулатори одобриле близу 260.000 рецепти за различни заболувања.
Bizarre pink light fills sky in Australia, leaving residents ‘buzzing’ with theories – Gordoville https://t.co/MzGwwmCG6R
— gordoismyname (@gordoismyname) July 23, 2022
