Зидан: „Атлетико Мадрид се фаворити за титулата во Ла Лига“

Стратегот на Реал Мадрид, Зинедин Зидан изјави дека моменталните лидери во Шпанија, Атлетико Мадрид дефинитивно треба да бидат сметани како фаворити за освојување на шампионатот оваа сезона. Градските ривали ќе се соочат во лигата денеска.

Екипата на Диего Симеоне е непоразена во 10те натпревари и има 6 бода повеќе од Реал Мадрид. И двете екипи се најдоа во последните 16 во Лигата на Шампионите оваа недела. „Ја освоивме титулата минатата година и сега сакаме да ја одбраниме. Сакаме да ја победиме секоја игра, а особено оваа. Атлетико се фаворити оваа сезона за титулата во Ла Лига“ изјави Зидан.