Франција сака багетот да се најде на списокот на UNESCO за културно наследство!

Франција предложи традиционалниот француски леб  багет да биде вклучен во списокот на културно наследство на UNESCO.

Според веб-страницата „Планетоскоп“, годишно во Франција се јадат околу 10 милијарди багети. Сепак, од 1970 година во Франција се затворени околу 20.000 пекари, бидејќи клиентите обично одат во супермаркети, кои во најголем дел продаваат багети кои не се прават на традиционален начин.

Освен што е ставен на списокот на светско наследство на UNESCO, ваквиот статус носи и заштита на традицијата, знаењето и вештините, за да не бидат заборавени со текот на времето. Француските пекари веруваат дека заштитата на багетите ќе ја зачуваат уметноста што се пренесува од генерација на генерација и ќе го заштити францускиот производ од плагијаторство.

„Таквата титула ќе ги утеши пекарите и ќе ја охрабри следната генерација“, изјави Мајкл Ридел, сопственик на осум пекари. Претседателот на здружението на пекарите, Доминик Анракт, за Ројтерс изјави дека постои загриженост дека традиционално направените лебови се повеќе се заменуваат со оние што се произведуваат на големо и се продаваат во супермаркети.

UNESCO ќе донесе одлука за новиот список на крајот на 2022 година, а исто така вклучува и натпревар во косење трева во БиХ, фестивал на фенери во Јужна Кореја и култура на сауна во Финска.