Бејл: Целта ми е да се вратам во Реал!

Герет Бејл изјави дека планира да се врати во Реал Мадрид, откако неговата позајмица со клубот од Лондон ќе истече. Капитенот на Велс, се приклучи на Тотнем во Септември на едногодишна позајмица, но неговиот договор со Реал истекува во летото во 2022.

Бејл, моментално е со репрезентацијата на Велс и се подготвува да настапи во квалификациите за Светско првенство во натпреварот против Белгија. За време на прес конференцијата, Бејл даде до знаење дека неговата главна цел е враќање на Сантиаго Бернабеу.