Белгија со победа ги започна квалификациите за СП 2022!

Во рамките на првото коло од квалификациите за Светското Првенство кое треба да се одржи во Катар 2022 се сретнаа екипите на Велс и Белгија. Велшани поведоа во раната фаза од натпреварот преку одлична тимска акција која успешно ја заврши Хари Вилсон.

Но одговорот на белгиските репрезентативци беше совршен и го вратија натпреварот во сопствена полза уште во првото полувреме преку погодоците на Де Брујн и Торган Хазард. Во второто полувреме Лукаку од белата точка го постави конечниот резултат 3-1 и ѝ ги донесе на Белгија првите 3 бода во квалификацискиот циклус.