BITCOIN ЗЕМА ЗАМАВ: Сега е време да го КУПИТЕ!

Инвеститорите се враќаат на криптовалутите.

На почетокот на коронската криза, се чинеше дека биткоинот е голем губитник. Од средината на февруари до средината на март, цената падна за повеќе од 50 проценти – на само 4.895 американски долари. По кратка фаза на опоравување, цената долго време се движеше близу границата од 10 000 американски долари – до пред неколку недели, пишува Дојче веле.

Во меѓувреме, најважната криптовалута не само што може да ја надомести драстичната загуба од пролетта – од почетокот на септември, нејзината цена се зголеми за повеќе од 53 проценти. Само во октомври, биткоинот доби околу 30 проценти од својата вредност, точно во времето за својот 12-ти роденден.

Сајбер-валутата се искачи на скоро 16.000 американски долари минатиот петок, а во средата крипто-валутата Bitstamp повремено се движеше околу 15.650 долари на размената на криптовалути. Така, Биткоин достигна највисока цена од јануари 2018 година. Да потсетиме, во декември 2017 година, биткоинот достигна рекордни 20 000 УСД. После тоа, курсот драстично се сруши и тоа беше крајот на летот.

Сега ситуацијата околу вредноста на биткоинот повторно изгледа поинаква. И има неколку можни причини за тоа.

Аналитичарот Тимо Емден пред една недела рече дека поради неодамна неизвесниот резултат на изборите во САД и во потрага по алтернативни можности за инвестирање – некои инвеститори прибегнаа кон криптовалути. Тој смета дека инвеститорите сакале да се заштитат од турбуленциите на берзата.

Сепак, Серен Хетлер, експерт на ДЗ-банка, во неодамнешната анализа напиша дека двигателот на развојот на биткоинот е всушност надеж за ненадејно зголемување на побарувачката, а не толку на изборите во САД.