Велика Британија ќе ги забрани дизел автомобилите во 2030

Премиерот на Велика Британија, Борис Џонсон планира да ја објави забраната за дизел автомобилите за 2030та, следната недела. Забраната е поместена 5 години порано отколку тоа беше првично планирано, според Financial Times. Британија најпрвин планираше да ги забрани возилата на дизел од 2040, па Борис Џонсон ја премести забраната во 2035.

Сега, забраната повторно е поместена во 2030. Целта на овој закон е да се намали емисијата на штетни гасови во атмосферата и да се намали загадувањето. „Премиерот се очекува да ја објави забраната за дизел автомобили во 2030 следната недела. Ова се очекува да ја зголеми побарувачката на електрични автомобили на Островот.“ информираат од Financial Times.