Буфон ќе брани за Парма, за прв пат во 20 години!

Италијанскиот легендарен голман, Џанлуиџи Буфон одлучи да и се приклучи на екипата на Парма, 20 години откако си замина.

43 годишниот голман, потпиша договор во времетраење од две години со екипата на Парма којашто испадна од Серија А минатата сезона. Буфон си замина од Јувентус по завршувањето на минатата сезона.

Голманот којшто го освои Светското првенство со Италија во 2006 година, има забележано 176 репрезентативни настапи, а истовремено го држи рекордот за најмногу настапи во Серија А со 656 натпревари помеѓу стативите.