ЛЕГЕНДАРНИОТ БУФОН ЗАМИНУВА! „Му дадов се што можев на Јувентус!“

Џанлуиџи Буфон најави дека ќе го напушти Јувентус на крајот од сезоната.

Буфон беше шампион со Јувентус десет пати и за тоа време освои четири титули во Купот на Италија.

„Стигнавме до крајот на еден циклус и вистинско време е да заминам. „Ова долго и прекрасно искуство со Јувентус дефинитивно ќе заврши оваа година“, изјави Буфон за beIN Sport.

„Ќе видам дали ќе престанам да играм или ќе најдам нешто што ќе ме мотивира да продолжам, некое ново искуство, ќе размислам и за тоа. Мислам дека му дадов на Јувентус се што можев. Добив и сè што можеше да се добие, мислам дека не можам да побарам повеќе од тоа “, рече искусниот голман.

Буфон е рекордер во Серија А по бројот на одиграни натпревари во лигата – досега има забележано 656 натпревари.