Ana
Срцевите болести се водечка причина за смртност во САД, според Центрите за контрола и превенција на болести (ЦДЦ) и не е секогаш лесно да се открие дали овој, многу важен, орган е во опасност. Затоа е важно да сторите сè што можете за да спречите развој на срцеви заболувања. Ова може да го постигнете со промена на некои животни навики кои можат да го загрозат здравјето на вашето срце.
Неодамна објавена студија покажа дека пиењето една чаша млеко дневно може значително да го намали ризикот од развој на срцеви заболувања. Студија објавена во Интернационалниот весник за дебелина покажа дека пиењето млеко на ден е многу добро за срцето.
Во истражувањето учествувале околу два милиони испитаници од Соединетите држави и Велика Британија, а истражувачите откриле дека испитаниците кои пиеле барем една чаша млеко на ден имале 14% помал ризик од развој на срцеви заболувања, пренесува „ Best life“.
Покрај тоа, редовната потрошувачка на млеко исто така нема да го зголеми холестеролот, а според клиниката Мајо, високиот холестерол може да го зголеми ризикот од развој на срцеви заболувања. Но, иако претходно се сметаше дека млекото има високо ниво на млечен холестерол, новото истражување покажа дека луѓето кои редовно пијат млеко имаат низок и добар и лош холестерол.
Другите млечни производи исто така можат да бидат добри за вашето срце. Студија од 2018 година објавена во „The Lancet“ опфати 136.000 испитаници од 21 земја во период од девет години и се покажа дека дневната потрошувачка на млечни производи е добра за здравјето на срцето.
Според студијата, повеќе од две порции млечни производи на ден се поврзани со 22 проценти помал ризик од развој на кардиоваскуларни болести. На пример, ако пиете една чаша јогурт на ден, ризикот од развој на срцеви заболувања е 10 проценти помал.
Министерството за земјоделство на САД препорачува возрасните да консумираат три порции млечни производи на ден. Може да биде три чаши млеко. Би било идеално да се консумираат млечни производи со малку маснотии или оние кои имаат мала содржина на маснотии, бидејќи таквите производи обезбедуваат клучни хранливи материи без дополнителни маснотии.
Ако поради некоја причина не сакате да консумирате млечни производи, министерството наведува дека вашата исхрана треба да биде разновидна и богата со протеини, калциум, калиум, магнезиум, витамин Д и витамин А.
