Повик од началникот на племето до Jeep: „Престанете да им давате име Cherokee на возилата!“

Чак Хоскин, лидер на нацијата Cherokee, го повика брендот Jeep да престане да ги користи нивните имиња на џиповите Cherokee и Grand Cherokee.

Според вестите во Дикен, Хоскин ги замолил локалните компании и спортски клубови да престанат да користат имиња и слики на домородните американци како маскоти или имиња во нивните производи.

Изјавувајќи дека е сигурен дека имаат добри намери, Хоскин рече: „Но, тие не нè почестуваат така што ќе го залепат нашето име на автомобил“.

Според магазинот „Car & Driver“, ваквата изјава дојде од нацијата Cherokee за прв пат од 1970-тите години кога Jeep започна да го користи името во своите возила.

Кристин Старнс, портпарол на Stellantis, матичната компанија на Jeep, изјави дека името на возилото е внимателно избрано и дека со текот на годините ги почестуваат Индијанците за нивната благородност и гордост.

Компанијата не даде никаква изјава дали името на возилото ќе се смени или не.

Хоскин изјави дека начинот да се почестат нивните племиња е да научат за нивната историја и култура и да воспостават значаен дијалог со федерално признати племиња.