Манчестер Сити „ги напуни“ Кристал Палас и се искачи на втората позиција!

Дефанзивецот на Граѓаните, Стоунс го украде шоуто на натпреварот со Палас, постигнувајќи два погодоци, и му донесе на својот тим нова лесна победа која ќе му помогне во трката во шампионатот на Англија.

Со оваа победа, Сити се искачи на втората позиција во Премиер Лигата и дојде на само 2 бода до лидерот Јунајтед, но со натпревар помалку.

Во листата на стрелците се запишаа Гундоган и Стерлинг и го поставија конечниот резултат од 4-0.