COVID-19: Паѓаат „црни“ рекорди во светот

Многу држави во светот бележат рекордни бројки на заразаени со корона вирусот на дневна основа. САД е моментално најпогодена држава од пандемијата со 226,220 смртни случаеви според порталот Worldometers. Во последните 24 часа во таа држава потврдени се 61,910 нови случаи и сега вкупната бројка од почетокот на пандемијата изневува 8,521,877.

По бројот на заразените втора на листата е Индија (над 7,6 милиони) и веднаш зад неа Бразил (над 5,2 милиони). Додека пак европските земји почнуваат да воведуваат построги мерки. Во Чешка се воведува карантин, а во Франција зголемен полициски час.

Короната почна да влегува и во владата откако Германскиот министер за здравје Јенс Спан и министерката за правда на Унгарија се тестираа позитивни на вирусот.