Новак Ѓоковиќ денеска ќе игра финале во Белград!

Светскиот број еден, Новак Ѓоковиќ, вчера славеше против Андреј Мартин и ќе игра финале во Белград.

Ѓоковиќ започна убедливо, и првиот сет успеа да го добие со комотни 6-1, но во вториот, поради неговите грешки и добрата игра на неговиот противник, загуби со 4-6. Но тоа само го мотивираше Србинот бидејќи во третиот сет тој успеа да победи без загувен гем со 6-0.

Во финалето на турнирот кој се одржува во Белград, Новак ќе се сретне со тенисерот од Словачка, Алекс Молчан. Веднаш по завршувањето на овој турнир, Ѓоковиќ ќе настапи кон грен слем турнирот Ролан Гарос.