Добитниците на Божиќната лотарија во Шпанија поделија вртоглави 2,4 милијарди евра!

Добитниците на традиционалната божиќна лотарија „Гордо“ во Шпанија денес поделија 2,4 милијарди евра.

Лотаријата, која постои од 1892 година, а чие извлекување се одржува секоја година на 22 декември во Мадрид, е исклучително популарна во Шпанија, и се смета за најдарежлива лотарија во светот.

Многу семејства, групи пријатели или колеги купуваат заеднички билети или им ги подаруваат новогодишен подарок. Еден билет чини 20 евра. Вкупниот износ на наградите беше поделен на многу добитници, а добитникот на главната награда годинава беше 72.897.

За време на извлекувањето на победниците, броевите ги пеат деца на училиште во Мадрид, кое се емитува на телевизија, а резултатите се на насловните страници на шпанските медиуми. Додека годинашната ждрепка беше без публика поради епидемијата на вирусот корона, телевизиите, како и секоја година, ги емитуваа избувнувањата на радоста и прегратките на победниците пред пултот каде беа купени победничките билети.

Последните недели има долги редови за купување билети пред продавниците за лотарија кои се сметаат за среќни. Оваа дарежлива лотарија особено се очекуваше оваа година поради економската криза во Шпанија, една од европските земји најсилно погодена од вирусот корона.