КОНЕЧНО! Постигнат е договор за компензација за блокадата на Суецкиот канал!

Претставник на сопственикот и осигурител на товарниот брод што го блокираше Суецкиот канал во март изјави дека е постигнат принципиелен договор со управата на овој воден пат во спор поврзан со компензација.

Во тек се активности за финализирање на договорот за решавање што е можно поскоро, а аранжманот за ослободување на бродот „Ever Given“ ќе се реализира откако ќе бидат завршени потребните формалности, изјави Фаз Пермохамед од компанијата Стен Марина, пренесува Ројтерс.

Гигантскиот брод со контејнери „Ever Given“ е закотвен во езерото меѓу двата дела на каналот од 29 март, кога беше поместен откако беше заробен во каналот шест дена, блокирајќи го минувањето на стотици бродови и нарушувајќи ја глобалната трговија.

Управата на каналот Суец (СЦА) бараше 916 милиони американски долари отштета за да ги покрие трошоците за деблокирање на водниот пат, нарушување на угледот на компанијата и губење на приходите, пред да ја намали потребната сума на 550 милиони долари.

Јапонскиот сопственик на Ever Given, компанијата „Шое Кисен“ и нејзините осигурителни компании го оспорија барањето на администрацијата на Суец и задржувањето на бродот, што беше извршено по наредба на египетскиот суд.

Адвокатот на Суецкиот канал, Калед Абу Бакр, на судското рочиште во врска со притворот на бродот изјави дека сопствениците на бродот дале нова понуда за обештетување и дека во тек се преговори.