Модната куќа D&G покрена тужба против американски блогери!

Познатата италијанска модна куќа Долче и Габана (D&G) поднесе тужба против двајца американски модни блогери и побара отштета во износ од 600 милиони долари пред италијанскиот суд, бидејќи тие му припишувале негативни коментари насочени против Азија на еден од креаторите на D&G , со што предизвика бојкот на азиските купувачи.

Тужбата беше поднесена на суд во Милано во 2019 година, но јавноста дозна за целиот случај само оваа недела бидејќи обвинетите блогери ја објавија таа информација на својот Instagram профил, што го следат голем број луѓе поради остри коментари и остри критики кон неоригинални и неинвентивни модни дизајнери.

Модните дизајнери Доменико Долче и Стефано Габана прво тврдеа дека им е хакирана интернет-сметката, но подоцна им се извинија на кинескиот народ со видео порака.

„Јавно извинување (до кинескиот народ) и тивка тужба против блогерот се контрадикторни“, рече Сузан Скафиди, директорка на Модниот институт на Правниот факултет Фордам, која ја координира работата на правните застапници на двајцата блогери.

Никој од модната куќа Долче и Габана не сакаше да го коментира овој случај.