Главоболките можат да бидат причина за разни проблеми, но и индикатори за замор, стрес и други работи.
Важно е да се напомене дека во одредени ситуации, природните алтернативи и домашните лекови нема да бидат доволни и дека е потребно навремено да се препознае кога настинка или благ вирус се претвори во нешто посериозно и соодветно да се побара медицинска помош. Исто така, ако веќе земате одредена терапија, од здравствени причини, не експериментирајте со разни билни препарати и додатоци самостојно, без претходно да се консултирате со вашиот лекар или фармацевт.
Ако се борите со главоболки, обидете се да си помогнете со овој едноставен мелем.
Состојки:
1/4 чаша кокосово масло
20 капки есенцијално масло од слатко нане
12 капки есенцијално масло од лаванда
10 капки есенцијално масло од темјан
Подготовка:
1. Истурете го кокосово масло во сад и ставете го на пареа, па мешајте додека не се раствори целосно.
2. Кога маслото ќе стане течно, тргнете го садот од оган и додадете ги миризливите есенцијални масла.
3. Истурете ја смесата во сад од некоја крема и оставете да се излади најмалку еден час.
4. Да се чува на собна температура.
Нанесете го маслото на задниот дел на вратот и зад ушите, бидејќи тоа се областите каде мелемот брзо се апсорбира и ги ослободува мускулите од болка.