Ana
Канадската поп ѕвезда Џастин Бибер, кој е на сцената уште од мал, откри дека доживеал „емоционален слом“ откако сфатил дека бракот со Хејли нема да му ги реши личните проблеми.
Во интервју за „Apple Music“, 28-годишниот музичар зборуваше за искуството од брачниот живот со Болдвин, но и потврди дека неговиот нов студиски албум е при крај.
“Тоа е патување. Се сеќавам кога се оженив, се распаднав емотивно бидејќи мислев дека бракот ќе ги реши сите мои проблеми што ги имам, но тоа не го реши”, рекол Бибер и додал дека сфатил дека тоа е малку лицемерно.
„Сакаш жена ти да прави нешто што не го правиш, а потоа е тешко да се погледнеш во огледало и да сфатиш – човеку, можеби не си личноста што нужно мислела дека си“, рекол Бибер, додавајќи дека тоа е само резултат на неговата траума и животните околности. Зад парот е тежок период, бидејќи неговата сопруга добила мал мозочен удар, а потоа и срцев удар. Но, тој успеа да се посвети и на музиката и покрај тоа што минатата година го издаде шестиот студиски албум „Justice“.
“Мислам дека сè уште нема датум, но знам дека завршуваме. Звучи навистина добро. Навистина сум возбуден поради тоа”, откри Бибер.
