Долго очекуваниот момент: Џенифер Лопез и Бен Афлек за прв пат заедно на црвениот тепих

На црвениот тепих, покрај гламурот што го донесоа со себе, двојката зрачеше и со енергијата на љубовта која цветаше меѓу нив.

 

По големото помирување во април, славната двојка Џенифер Лопез и актерот Бен Афлек првпат се појавија заедно на црвениот тепих на филмскиот фестивал во Венеција, на премиерата на „The last duel“.

 

Ги воодушевија сите присутни со своите стајлинзи и заљубеност, па емоционалните пораки за поддршка веќе се шират на социјалните мрежи. Неизбежно е дека избраа гламурозни тоалети за овој настан, па Бен се појави во класично црно одело и ги воодушеви сите со својот заводлив изглед.

 

За оваа пригода, Џенифер носеше бел фустан со длабоко деколте кој целосно ги истакна нејзините совршени гради. Деталот со цирконите што е дел од овој тоалет беше интересен. Фустанот е потпишан од либанскиот дизајнер Georges Hobeika, чии модели на слични фустани чинат околу 7.000 евра, додека таа од накитот избра да носи нараквица со шари од Cartier.

 

Како ви се допаѓаат двајцата?