Ana
Маслото од ленено семе има толку многу важни својства кои се корисни за здравјето, па затоа има смисла да го користите секојдневно, во текот на животот.
Вообичаено, како превентивна мерка, лененото масло се конзумира на празен стомак, односно 20-30 минути пред првиот оброк. Доволно е да земете само 1-2 лажици.
Придобивките од ленено масло за телото
За слабеење
Олеинска киселина омега-9, линолната киселина омега-6, алфа-линоленска киселина омега-3 – се ефикасни активатори за губење на тежината. Затоа, секој кој има проблем со вишокот килограми треба да обрнат внимание на овој производ. Можете да го додадете во јогурти или салати или да го консумирате како независен производ.
За кардиоваскуларниот систем
Лененото масло штити од болести на кардиоваскуларниот систем, го нормализира крвниот притисок, го намалува нивото на холестерол во крвта, а исто така го подобрува здравјето и еластичноста на крвните садови.
За здравјето на жените
Присуството на лигнин во ова масло делува на активирање на нормалната рамнотежа на хормоните во телото. Благодарение на маслото од ленено семе, менструалните болки и менопаузата полесно се поднесуваат.
За младост и убавина
Лененото масло ја нормализира работата на лојните жлезди. Исто така, маските на база на ова масло имаат подмладувачки, негувачки и антибактериски својства. Лененото масло е добро да се користи за трепките и веѓите, ефектот е многу посилен од рицинусовото масло.
Ако направите мешавина од мед, масло и лимон, ќе добиете вистински еликсир кој го подмладува целиот организам.
За да видите позитивен резултат на вашето тело, лененото масло треба да се користи не помалку од 2 месеци, дневно (по 1-2 лажици).
Пред да започнете со користење на ова масло, запомнете го следново.
Луѓето со редовна терапија треба да се консултираат со лекар пред да почнат да земаат ленено масло:
- Доколку земате одредени лекови против згрутчување, задолжително консултирајте се со вашиот лекар.
- Омега-3 масните киселини исто така може да ја зголемат потребата од лекови за намалување на шеќерот во крвта.
- Кај пациенти кои боледуваат од дијабетес, можно е пореметување поради кое телото не е во состојба да ја претвори алфа-линоленската киселина во ЕПА и ДХА. За нив е подобро да земаат омега-3 масни киселини од риба и рибино масло.
