Еквадор му го одзеде државјанството на Џулијан Асанж!

Еквадор му го одзеде државјанството на основачот на Викиликс, Џулијан Асанж, кој моментално се наоѓа во затворот Белмарш во Лондон.

Судските власти на Еквадор формално го информирале Австралиецот за одземање на државјанството, преку писмо како одговор на барањето на еквадорското Министерство за надворешни работи.

Натурализацијата се смета за штетна ако е одобрена врз основа на прикривање на релевантни факти, лажни документи или измама.

Еквадорските власти наведуваат дека писмото на Асанж за натурализација, меѓу другото, содржи бројни недоследности, различни потписи, потенцијални измени во документите и неплатени такси.

Адвокатот на Асанж Карлос Поведа за АП изјави дека одлуката е донесена без соодветна постапка и дека австралискиот државјанин не смее да присуствува на одлучувањето.

Поведа рече дека ќе поднесе жалба, во која ќе побара детално образложение на одлуката, како и дека не станува збор за државјанство, туку за почитување на правата и почитување на соодветната постапка за одземање на државјанството.

Асанж доби еквадорско државјанство во јануари 2018 година. Тој моментално е во затвор, откако беше уапсен во април 2019 година за кршење на правилата за условна слобода.

Асанж пред апсењето помина седум години во амбасадата на Еквадор во Лондон.