Евертон испушти бодови против Барнли!

Барнли и Евертон одиграа натпревар без победник во сабота на стадионот Турф Мур. Домаќините имаа енергичен старт и успеаа да ја затресат мрежата на Евертон преку Роби Брејди по одличната асистенција на Вествуд. Евертон започнаа лошо, но пред крајот на полувремето го пронајдоа својот ритам.

Одличниот Доминик Калверт-Луин беше стрелец и на овој натпревар и успеа да го изедначи мечот во судиското надополнување пред крајот на првото полувреме. Луин моментално има најмногу постигнати погодоци во рамките на Премиер Лигата. Второто полувреме не понуди ништо интересно, тимовите ги поделија бодовите.