Ana
Фејсбук соопшти дека повеќе нема да дозволи огласувачите да ги таргетираат оние на возраст од 18 години и помлади, врз основа на нивните интереси и активности на други веб -страници.
Новата политика, која важи и за Инстаграм и Фејсбук Месинџер, сепак дозволува таргетирање на тинејџери, но само врз основа на возраста, полот и локацијата, пренесува Гласот на Америка.
Возрасните граници може да варираат во зависност од земјата, а Фејсбук наведува дека новата политика ќе започне за неколку недели.
– Ние веќе им даваме начини на луѓето да ни кажат дека тие попрво не би гледале реклами врз основа на нивните интереси или врз основа на нивните активности на други веб -страници и апликации, на пример преку контроли во нашите поставки за реклами – се вели во соопштението на Фејсбук што ја објавува новата политика рекламирање.
