Facebook забранува ширење на неточни информации за вакцините!

Социјалната мрежа Facebook го забрани ширењето на сите дезинформации за вакцините на нивната платформа. Како дел од нивната нова политика околу ширењето на дезинформации за Ковид-19 во целина, социјалната мрежа отсега ќе ги остранува сите лажни објави за вакцините, соопштија од компанијата.

Овие нови правила се однесуваат на сите објави од корисниците на мрежата, како и рекламите. Истите правила важат за социјалната мрежа Инстаграм. Овие правила стапуваат во сила веднаш, објавија од платформата.