Фајзер: Можна е и трета доза, ќе мора да се вакцинираме секоја година!

Извршниот директор на Фајзер, Алберт Бурла, рече дека се надева дека дополнителна, трета доза на оваа вакцина за ковид-19 може дополнително да го зајакне имунолошкиот одговор, а со тоа да обезбеди и подобра заштита од нови варијанти на коронавирусот.

Новата студија ќе ја следи безбедноста и ефикасноста на третата доза во две возрасни групи. Луѓето од 18 до 55 години ќе учествуваат во едната група, а луѓето од 65 до 85 година во другата група. Тие исто така учествуваа во првичното клиничко испитување на Фајзер. За време на оваа студија, учесниците добија две дози од вакцината, со разлика од три недели. Истиот интервал на дозата е оној што моментално се препорачува.

Фајзер исто така планира да започне со тестирање за да утврди дали изменетата верзија на вакцината работи и против јужноафриканската варијанта на коронавирус. Бидејќи коронавирусот мутира, вакцините најверојатно ќе се променат и прилагодуваат. Истото се случува и со грипот, кој се менува од година во година, затоа вакцините против грип постојано се подобруваат за да бидат ефективни.