Одлучено: Финалето на ЛШ ќе се одржи во Порто!

Финалето во Лигата на шампионите меѓу Манчестер Сити и Челзи ќе се игра на стадионот Драгао во Порто, иако првично Истанбул беше планиран да биде домаќин на мечот за највредниот трофеј Официјалната потврда од УЕФА се очекува многу скоро.

Кога стана јасно дека стадионот „Ататурк“ во Истанбул нема да биде домаќин на финалистите во елитното натпреварување поради ситуацијата со коронавирусот, УЕФА брзаше да најде ново решение.

Со оглед на тоа што англиските клубови играат во финалето, идејата беше да се одржи на Вембли, но поради строгите мерки во Велика Британија, таа намера беше отфрлена.

The #UCL final between Chelsea and Manchester City will be moved to Porto's Estadio do Dragao from Istanbul

— Sky Sports News (@SkySportsNews) May 12, 2021

На крајот беше одлучено втората година по ред борбата за пехарот „уво“ да се води во Португалија, која се наоѓа на зелената листа на Обединетото Кралство кога станува збор за патувања После Лисабон и Луз минатата сезона, овој пат Драгао ќе биде домаќин на најголемиот натпревар од европскиот фудбал во Порто.

УЕФА води интензивни разговори со португалските власти за да се дозволи присуство на 20.000 луѓе на трибините (вкупниот капацитет на стадионот е 50.000). Повеќе за тоа ќе се знае во наредните денови.

Финалето е закажано за 29 мај.