Edo
Точно 9.500 навивачи ќе можат да го гледаат финалето на Лигата на Европа во живо оваа година кое ќе се одрижи во полскиот град Гдањск, соопштија од УЕФА.
Во соопштението на УЕФА стоеше дека полските власти одобриле стадионот во Гдањск да биде исполнет 25% од неговиот капацитет кој изнесува 40.000 седишта. Натпреварот ќе се одигра на 26 мај, а финалистите ќе ги дознаеме овој четврток.
На натпреварот ќе можат да присуствуваат и навивачи кои не се од Полска, а вкупно ќе бидат пуштени 9.500 билети во продажба. По 2.000 ќе добие секој клуб за своите навивачи, 2.000 ќе добијат локалните полски навивачи и уште 3.500 ќе бидат доделени на спонзорите.
