Француски експерти: Дури и мала количина алкохол има штетно влијание врз здравјето!

Нема количина алкохол што не е опасна по здравјето, се вели во извештајот на Францускиот институт за здравствени и медицински истражувања (Inserm).

„Секоја количина – дури и мала – штетно влијае на здравјето“, подвлекоа авторите на извештајот, што е резултат на колективно вештачење за намалување на штетата поврзана со алкохолот, која ја пијат скоро 43 милиони луѓе во Франција .

„Количината консумирана алкохол е сè уште голема, особено кај младите, додека во Франција има 41.000 смртни случаи годишно (од кои 11.000 се жени) со проценета социјална цена од 118 милијарди евра“, се вели во документот на 700 страници.

Експертите препорачуваат забрана за рекламирање алкохолни пијалоци на Интернет и на јавни места, како и зголемување на цените со оданочување на пијалоците по грам алкохол што ги содржат или со воведување минимални цени на пијалоците, како во Шкотска.

Тие исто така предлагаат да се намали достапноста на алкохол со ограничување на работното време и бројот на продавници и да се укинат „мерките“ за консумирање алкохол со низок ризик – не повеќе од два пијалоци на ден и не секој ден.

Според две студии, редовната потрошувачка – 10 или повеќе пати месечно, се однесува на секој десетти помлад тинејџер во Франција и секој четврти постар тинејџер.

Меѓу луѓето постари од 50 години во Франција, потрошувачката на алкохолни пијалоци е зголемена од 2013 година, особено бројот на случаи на тежок повремен алкохолизам – експресно пиење и случаи на ризична потрошувачка на алкохол – повеќе од две чаши на ден.

Консумацијата на алкохол е директно или индиректно одговорна за околу шеесет болести, вклучително и карциноми, како што е рак на дојка, како и кардиоваскуларни заболувања. Тоа е прва причина за хоспитализација во Франција и, после тутун, втора причина за смрт што може да се избегне, потсетуваат експертите, кои негираат какви било заштитни ефекти на алкохол.

„Треба да престанеме да зборуваме дека алкохолот е добар за срцето“, рече Микаел Насила од истражувачката група „Амиен“ за зависност од алкохол и дрога за црвено вино.