Голем астероид поминува покрај Земјата на 21 март!

Астероид со ширина од 900 метри ќе помине покрај Земјата на 21 март, но експертите тврдат дека нема никакви причини за грижа. Американската агенција НАСА соопшти дека астероидот именуван 2001 ФО32 ќе помине покрај Земјата на одалеченост од 2 милиони километри.

Не постои никаков ризик за судар на астероидот со нашата планета, тврдат експертите од агенцијата. Астероидот ќе се движи 124 илјади километри на час додека поминува блиску планетата Земја.