„Хабиб си ја скрши ногата пред 3 недели, но не кажа никому!“

Рускиот ММА борец Хабиб Нурмагомедов го бранеше шампионскиот појас во лесна категорија на УФЦ и најави повлекување, а првиот човек на организацијата Дана Вајт откри неколку неверојатни информации за него по одличниот спектакл во Абу Даби.

„Навистина мислам дека тој ќе остане во пензија. Сите имавме среќа што го видовме вечерва по сè низ што помина. Исто така слушнав дека тој бил во болница пред три недели затоа што го скршил стапалото. Така, тој имаше два скршени прсти и скршеница на коската на стапалото. Никогаш тоа никому не му го кажуваше додека шеташе. Тој е еден од најжилавите човечки суштества на планетата. „Јас сум сериозен, тој е еден од луѓето за кои може да се каже дека е најголемиот на сите времиња“, рече Дана Вајт.

„Морам да кажам дека мирисаше на изненадување по мерењето и конфронтацијата. Џастин изгледаше фантастично. Но, тој не личеше на себеси во рингот, дишеше тешко. Што се однесува до Хабиб, ако сака да се врати, тој ќе се врати, а ако не сака, нема. Едноставно е. Нека се опорави малку емотивно “, рече првиот човек на УФЦ.

Хабиб Нурмагомедов е член на УФЦ ростерот од 2012 година, а во промоцијата оствари 13 победи на 13 натпревари, а интересно е што никогаш не загуби ниту една рунда. Тој го бранеше шампионскиот појас трипати – против Конор Мек Грегор, Дастин Поарие и Џастин Геиџи.