Elena Stojkova
Седумкратниот шампион во Формула 1, Луис Хамилтон нема да се натпреварува во трката за Големата награда на Сахир во Бахреин, бидејќи доби позитивен резултат по тестот на Ковид-19, официјално беше потврдено од Формула 1.
Британецот е трет возач на Формула 1 во тековната сезона кој има позитивен тест за новиот вирус, а пред него, Серхио Перез (Силверстон) и Ленс Строл (Германија) ги пропуштија трките поради инфекцијата.
Се очекува Мерцедес што поскоро да објави кој ќе биде замената за 35-годишниот Хамилтон.
За да се врати на патеката, на Хамилтон му треба негативен тест, па неговото враќање на последната трка во сезоната во Абу Даби е доведено во прашање.
Хамилтон веќе ја обезбеди титулата во возачка конкуренција затоа што е на првото место во генералниот пласман со 131 поен повеќе од првиот вицешампион – соиграчот Валтери Ботас.
Трката во Бахреин е на програмата во недела, 6 декември, во 18:10 часот по средноевропско време.
Коментари
Loading…