Хамилтон: „Се надевам дека ќе се вратам наскоро во болидот“

Луис Хамилтон изјави дека се труди да се врати во форма за последната Голема Награда која ќе се одржи во Абу Даби следниот викенд, откако беше заразен со коронавирусот. Возачот на Мерцедес го пропушти минатото Гран При во Бехреин, откако доби позитивен тест на 1ви Декември.

Тој мора да добие негативен тест за да искочи од изолацијата во Бахреин. „Ова беше една од најтешките недели во изминатиот период. Се обидувам да се фокусирам на враќањето во форма. Само сакам да ви кажам дека се чувствувам добро и се надевам дека наскоро ќе се вратам во болидот“ изјави Хамилтон на социјалните мрежи.